Xəbərlər

İnnovasiya və Rəqəmsal İnkişaf Agentliyinin (İRİA) tərəfdaşlığı ilə yerli ekosistem üçün innovativ layihələr üzrə yeni təlimçi hazırlayan və tələbələr arasında innovativ bacarıqları aşılayan “SAGE” proqramının qeydiyyat mərhələsinə start verilib.

 

İnnovativ layihələr üzrə təlimçi və mentor hazırlayan 3 modullu təlimproqramı beynəlxalq mütəxəssislər tərəfindən həyata keçiriləcək.

 

Təlim müddətində iştirakçılar innovativ layihələr üzrə təlimlərin təşkili və keçirilməsi istiqamətində müasir bilik və bacarıqlarını inkişaf etdirmək imkanı əldə edəcəklər. Proqramda yüksək nəticə göstərən iştirakçılar, səyahət və qonaqlama xərcləri qarşılanmaq şərti ilə Türkiyəyə səfər edərək bu ölkənin innovasiya ekosistemi ilə yaxından tanış ola biləcək və “YellowX” mentorları ilə müxtəlif seminar və vörkşoplarda iştirak etmək şansı qazanacaqlar.

 

Həmçinin proqramı uğurla bitirən iştirakçılar mentorluq üzrəakkreditasiya edilmiş sertifikat əldə edəcəklər.

 

Təlimçi və mentor hazırlığı proqramına müraciət etmək üçün link: https://rebrand.ly/sagetrainer.

 

Müraciət üçün son tarix: 01.12.2024

 

15 – 24 yaş arası tələbələr üçün nəzərdə tutulmuş digər “SAGE” proqramının məqsədi gənclərin innovativ sahibkarlıq təfəkkürü və startap quruculuğu bacarıqlarının inkişaf etdirilməsidir.

 

Proqrama seçilmiş tələbələr beynəlxalq mütəxəssislərin tərtib etdiyiunikal məzmunlu təlimlərdə iştirak edəcək, real biznes nümunələr üzərindən praktik bacarıqlara yiyələnəcəklər. Yüksək nəticə göstərən tələbələr qabaqcıl startap və ekosistem tərəfdaşlarında təcrübə proqramından keçmək şansı əldə edəcəklər.

 

Tələbələr üçün proqrama müraciət linki: https://rebrand.ly/sagelearner

 

Müraciət üçün son tarix: 01.12.2024