Xəbərlər

Vətəndaşların hərbi xidmətlə bağlı məlumatlara rəqəmsal çıxış imkanları genişləndirilib. Səfərbərlik və Hərbi Xidmətə Çağırış üzrə Dövlət Xidməti və İnnovasiya və Rəqəmsal İnkişaf Agentliyinin birgə əməkdaşlığı çərçivəsində vətəndaşlar artıq hərbi məlumatlarını “mygov” platforması üzərindən rahat, sürətli və təhlükəsiz şəkildə əldə edə bilirlər.

 

Əvvəllər yalnız fiziki formada təqdim olunan bu məlumatlara çıxış tam rəqəmsallaşdırılıb. Vətəndaşlar artıq fiziki xidmət mərkəzlərinə getmədən həm “mygov” veb portalı, həm də mobil tətbiqi vasitəsilə öz hərbi məlumatları ilə tanış ola, sənədləri PDF formatında yükləyə və ya rəqəmsal şəkildə paylaşa bilərlər.

 

Yeni funksionallıq çərçivəsində təqdim olunan məlumatlar:

 

- Hərbi qeydiyyat

- Müddətli həqiqi hərbi xidmət məlumat

- Müddətli həqiqi hərbi xidmətə çağırışdan möhlət

- Müddətli həqiqi hərbi xidmətə çağırışdan azad edilmə

- Müddətli həqiqi hərbi xidmətə müvəqqəti çağırılmamağa dair məlumat

- Həqiqi hərbi xidmət keçmək haqqında məlumat

 

Məlumatlardan istifadə qaydası aşağıdakı kimidir:

 

- “mygov” platformasında “Məlumatlarım” bölməsinə daxil olunur.

- “Hərbi məlumatlarım” seçilir.

-  Hərbi məlumat növü seçilir.

- Məlumatlarla tanış olunur.

- Sənəd istəyə uyğun olaraq PDF formatında yüklənə və ya rəqəmsal şəkildə paylaşa bilər.

 

Qeyd edək ki, bu kimi sənəd və məlumatların rəqəmsal formada təqdim olunması vətəndaş məmnunluğunun artırılmasına, dövlət xidmətlərinin daha əlçatan olmasına, həmçinin vaxt və resurslara qənaət edilməsinə xidmət edir.