Fəaliyyətimiz

Artıq fiziki müraciətlər, uzun növbələr və kağız sənədlərlə bağlı çətinliklər keçmişdə qaldı. mygov sayəsində bütün bu proseslər onlayn, sürətli və rahat şəkildə həll edilir.

“digital.bridge” dövlət və özəl qurumlar arasında təhlükəsiz və səmərəli inteqrasiyanı təmin edən, informasiya axınını “bir dəfə məlumat” prinsipi əsasında standartlaşdıran və təkrarlanan məlumat girişinə ehtiyacı aradan qaldıran milli məlumat mübadiləsi platformasıdır.

digital.login dövlət və özəl qurumlar tərəfindən təqdim olunan elektron xidmətlərə vahid giriş imkanı verən rəqəmsal identifikasiya sistemidir.

Azərbaycanda xüsusi olaraq Kiçik və Orta Bizneslərə (KOB-lar) uyğunlaşdırılmış digiMATE biznesinizin rəqəmsal dünyadakı mövqeyini müəyyən etməyə imkan yaradır.

“digital.finance” layihəsi, maliyyə təşkilatlarına dövlət informasiya ehtiyatlarına elektron çıxış imkanı yaradır, vətəndaş məlumatlarının vahid sistemdə toplanmasını və onların sürətli təhlilini təmin edərək sənədlərin rəqəmsal əldə olunmasını asanlaşdırır.

Rəqəmsal Sənəd Dövriyyəsi (RSD) dövlət qurumları arasında sənədlərin elektron mübadiləsini təmin edən altsistemdir və bu, sənəd dövriyyəsini daha səmərəli edərək kağız istifadəsini minimuma endirir, eyni zamanda qurumlararası məlumat mübadiləsini asanlaşdırır.

aim (Azərbaycan İnnovasiya Mərkəzi) texnologiya sahibkarları, tədqiqatçılar, investorlar və innovatorları bir araya gətirən dinamik bir məkandır. Burada fikirlər inqilabi məhsul və xidmətlərə çevrilir. aim əməkdaşlığı təşviq edir və innovatorlara layihələrini inkişaf etdirmək, maliyyələşdirmək və genişləndirmək üçün yaradıcı həllər tapmağa kömək edir. Startaplar, korporasiyalar, universitetlər və dövlət qurumları üçün enerji verici bir mühit yaradaraq, inkişafa və innovasiyaya töhfə verən əməkdaşlıq formalaşdırır.

"IDDA Awards" 2022-ci ildə İnnovasiya və Rəqəmsal İnkişaf Agentliyi tərəfindən təsis edilən və innovasiyalar sahəsində həyata keçirilən mükafatandırma mərasimidir.

"Texnopark" İnnovasiya və Rəqəmsal İnkişaf Agentliyi tərəfindən rezidentlik verilən hüquqi və fiziki şəxslərin texnologiya və proqram təminatı sahəsində fəaliyyət göstərdiyi bir məkandır. Bu məkanda rezidentlər, müxtəlif vergilərdən azad olma və iş icazəsi tələb olunmadan fəaliyyət göstərmə kimi imtiyazlardan yararlanırlar.

İnnovasiya və Rəqəmsal İnkişaf Agentliyinin təşəbbüsü ilə keçirilən "Roadshow"un məqsədi startapların qlobal bazara çıxmasına dəstək verməkdir.

"Caucasus Ventures" Azərbaycan, Qafqaz regionu, Mərkəzi Asiya, Türkiyə və Şərqi Avropada investisiya imkanlarına fokuslanan aparıcı sərmayə fondudur.

Azərbaycan Kibertəhlükəsizlik Mərkəzi Azərbaycan Respublikasının Rəqəmsal İnkişaf və Nəqliyyat Nazirliyi ilə İsrailin “Technion Texnologiya İnstitutu”nun birgə əməkdaşlığı nəticəsində yaradılmışdır.

“Rəhbər şəxslərə təlimlər” dövlət qurumları əməkdaşlarının texniki bilik və bacarıqlarını artırmaq, həmçinin onların sürətlə inkişaf edən rəqəmsal mühitə uyğunlaşmasını təmin etmək məqsədilə yaradılmışdır.

“Technest” təqaüd proqramı informasiya və kommunikasiya texnologiyaları (İKT) sahəsində təqaüd təqdim edən milli proqramdır. Məqsədi ölkədə İKT üzrə peşəkar kadr bazasının formalaşdırılmasına töhfə vermək və əmək bazarının kadr tələbatını qarşılamaqdır.

İnnovasiya və Rəqəmsal İnkişaf Agentliyinin təşəbbüsü, “PAŞA Holding” Şirkətlər Qrupunun sponsorluğu ilə Azərbaycanda tədrisə başlayan dünyanın nüfuzlu məktəblər şəbəkəsi “Holberton School”a start verilib.